Мейлан Нежефов

Урусатди Украинайин жилариин гъабхурайи хусуси метлеб айи дявдин операцияйиъ жюрэтлувал улупбаз лигну Хив райондин агьали Раул Рамазанов Суворовдин ччвурнахъ хъайи медалин сагьиб гъахьнийи.

Раул 1993-пи йисан 26-пи декабри Хив райондин Зильдикк гъулаъ Рамин ва Шемейсат Рамазановарин нежбервалин кьаб ккайи хизандиъ бабкан гъахьну. Багъри гъулаъ 9-пи класс ккудубкIбалан кьяляхъ, жигьили 10-11-пи классар гъунши Мажвгларин гъулан кьялан мектебдиъ ккудукIнийи. Ужудар натижйириинди имтигьнар тувну, Раул 2012-пи йисан Пермдин милли гвардияйин кьушмарин институтдик урхуз кучIвнийи. 2017-пи йисан заан хъуркьувалариинди урхуб ккудубкIур думу эскервалин рякъ давам апIуз Сибирский округдин РД-йин милли гвардияйин кьушмариз РФ гьаънийи.

Спецоперацияйиъ иштирак хьпан гьякьнаан узу туву суалназ ватанпервери жикъи жаваб тувнийи: «Йиз кьюр веледдин закурин аку йигъ бадали гъи гюлдихь мухур гьивну жан фида апIуз гьязурди Ватан уьбхюз гъягъбиин саб жизбикьан швумал дарза. Миллетчйир ихь терефназ гъяйиз, гьадрарин жилиин му операция кIули гъябгъюб дюз вуйиб гьисаб апIураза. Гьич фикир мапIанай, багарихьди мидин аьхир хьибди. Ва дагълу ифи дамариъ либхурайи абйирин хутлари жил`ина Дюзвал, Ислягьвал ва Гъалибвал хьпак чпин пайра кивра».