Наргиз Гюлечова

Гъуларин аьтрафар артмиш апIбан бадали, федеральный бюджетдиан дакьатар деетура. Мидин гьякьнаан вуйи документдихъ Урусатдин Правительствойин председатель Михаил Мишустинди къул гъизигну.

Думу дакьатар гъулариъ яшамиш шулайи агьалйири, чпин хулариъ яшайишдин шартIар ужи апIбан бадали, банкдиан гъадагъурайи льготный кредитариз кюмек вуди, аьлава субсидйир жюрейиинди туврайидар ву.

Му программа 2020-пи йисхъанмина гьяракатнаъ айиб ву, ва дидин дахилнаъди кредитарихъанди туврайи пул 5 %-тIан артухъ шуладар.
Айи мялуматариинди, кредитдиз адабгънайи пулин дакьатарихъ хулариз акв, газ, шид ва канализацияйинна манишин тувру турбйир зигуз ва гьацира гъваъ цIийи алапIбан ляхнар тамам апIуз мумкинвал а.

Мидланра гъайри, льготный кредитар тувбан программайиинди, тешкилатаризна, кIул’инди вуйи предпринимателариз транспортдинна инженервалин инфраструктурйир артмиш апIуз ва тазади хулар дивуз субсидйир тувбан къарарихъра къул дизигна.
Думу вари ляхин, «Гъуларин аьтрафарарин саб йишв’инди вуйи артмиш’вал» программайин дахилнаъ кIули гъабхурайиб ву.