Гюльнара Мягьямедова

Дагъустандиъ гъахьи терактарихъди аьлакьалу чпин пашманвал улупури, гъийихдариз башсагълугъвал, зийнар духьнайидариз ухди сагъ хьуб ккун апIури, гьар терефнан кагъзар гъюра.

 

Ихь ватанагьли, разведка гъабхру ва гьюжум апIру дестейин командирин вазифйир тамам апIурайи аьхюну прапорщик Равид Мягьрамовди Дагъустандиъ гъахьи терактариъ гъийихдарин хизанариз гьамци бикIура: «Гьюрматлу ватанагьлийир! Дербентдиъ ва Мягьячгъалайиъ гизаф пис гьядисйир гъахьну. Натижайиъ къанун уьбхру органарин вакилар, ислягь ватандашар ва диндин рякъюъ айидар гъийихну. Террористари хачпересарин Святой Троицайин йигъ аьгъдарди ктабгъуб дайи. Киевдин миллетчйир, вари халкьарин террористарихьнара кмиди илтIикIури, ихь жямяаьтлугъдин жюрбежюр дин хъапIрударин арайиъ айи дуствал терг апIуз чарйир агури, яваш шуладар. Дурарин асас метлеб албагну яшамиш шулайидарин арайиъ душманвалин ва даккнишнан цIа кчIигуб, агьалйирин арайиъ гучI ипуб, уьлкейиъ айи аьгьвалат чIур апIуб ву. Гъи ухьу региондиъ диндин радикал фикрар тарагъбахъди женг дубхну, жюрбежюр культурйир, жа-жара миллетар ва жара дин хъапIру инсанар чиб-чпин гъавриъ тIаъруси ляхин дубхну ккунду.

Йиз, хусуси метлеб айи длявдин операцияйин иштиракчйирин ва Звенигородско-Берлинский, Суворовдин ва Кутузовдин ччвурнахъ хъайи орденарин мотострелковый, гвардейский жаради вуйи 74-пи бригадайин терефнаан гъийиху полицейскйирин ва имбу ватандашарин хизанариз – башсагълугъвал, хъа зийнар духьнайидариз ухди сагъ хьуб ккун апIураза».