2023-пи йисан 22-пи сентябриъ вазлин аьхириъ Табасаран райондин Хючна гъулаъ кьялан библиотекайин гъурулушдин бинайиин модельный библиотека ачмиш гъапIнийи.
Модельный библиотека – му китабар урхури, фильмйириз лигури, агьалйирин, мектебдиъ урхурайидарин аьгъювалар ва китабар урхувалихьна аьшкь артухъ апIуз, жюрбежюр выставкйир ва серенжемар гъахуз, сатIиди ляхин апIуз мумкинвал тувру уткан идара ву. Библиотека деврин тIалабариз гъилигу техникайихъди ва 5 агъзурилан зиина китабарихъди тямин дапIна.
Табасаран райондиъ модельный библиотека ачмиш апIувал – райондин культурайин артмиш’валиъ алдабгънайи важиблу гам ву. Мицисдар библиотекйир республикайиъ гьелелиг 5-тIан адар.