Улихьнаси Н.А. Цахаевдин ччвурнахъ хъайи Республикайин травматологияйин центрин травматологияйин ва ортопедияйин отделениейин духтрари сар тикилишчийин хатIа дубхьну, хъуршлихъан хътабтIу хил, табар хъитIну, кибирхну. Кьюб сяаьтна гьац вахтна давам гъабхьи операция гъапIу бригадайин кIулиъ айир йихь ватанагьли Артур Аьбдуллаевич Къурбанов вуйи.
Духтри учуз туву мялуматариинди, хъибтIу хил «чIиви» гъабхьну. Пишекрарин гафариинди, мицисдар операцйир, чибра ужуб натижайиинди ккудукIдар, гъи республикайиъ тIубариинди ктухуз шулу.
Артур Къурбанов деврин технологйириинди хилин каблиин ва хилин дюгьбариин читин операцйир гъахурайи республикайи кIакIначи пишекар ву. Думу операцйир апIуз кми-кмиди Урусатдин жара регионаризра гъягъюри шулу.
ЙИСАНДИН ДУХТИР
![](https://zoritabasarana.ru/wp-content/uploads/sites/13/sites/13/2023/12/8.jpeg)