Цци табасаранарин кинематограф сабсан фильмдиинди яркьу гъабхьну – ТIюрягъ гъулан агьали, режиссер Тахмина Гьяжикеримовайи жикъи метраждин «Бурж» кIуру художествойин фильм адабгъну.
Думу фильм 2023-пи йисан кIули гъушу варидюн’яйин машгьур кинофестиваларин пешкешарихъди лишналу дапIна. «Бурж» улупбиинди ккебгънийи Лос-Анжелесдиъ шлу гьар йисандин кинофестиваль; Омандиъ гъабхьи кинофестивалиъ дидиз кьюб номинацияйиъ пешкешар тувну, хъа индияйин Мумбаи шагьриъ думу варитIан ужуб драмаси гьисаб гъапIну. Дидланра савайи, «Бурж» фильм машгьур Голливуддиъра улупну.
Фильмдин съемкйир ТинитI ва ТIюрягъ ва Хунзах райондин саб гъулаъ кIули гъушну. Актерар вари табасаранар, режиссерин багахьлуйир ва мирасар ву.