2023-пи йисан октябрин аьхириъ Мягьячгъалайин «Уйташ» аэропортдиъ гъахьи къайдасузвалари ихь республика харжи терефнаанди вари дюн’яйиз мялум хьуз гъитну.
29-пи октябриъ хъябяхъдин вахтнаъ, Мягьячгъалайиз Тель-Авивдиан гъюрайи самолетдиъ айи пассажирариз гъаршу вуди, ерли агьалйирин аьхю десте аэропортнаъ уч гъахьну. Къанунсуз митингдиз удучIвнайидар аэропортдин дараматариъ архьну, самолетар дусру зулиина удучIвну, пассажирар айи автобус гъибисну. Самолетдиъ 50-риинакьан пассажирар айи, дурарикан аьхюну пай бицIидар хъайи дишагьлийир вуйи. Сар бицIир гъагъиди иццурайир ва аппаратдикк ккайир вуйи.
Къайдасуз митингдиз удучIв-найидар сикин апIурайи вахтна, полицияйин 20 гъуллугъчийиз зийнар гъахьнийи, амма дурари самолетдиъ айи пассажирариз зулум апIуз гъитундайи.
Гьадму йигъандин къайдасузваларин натижайиъ аэропортдиз саки 285 миллион манатдин зарар гъабхьнийи. Силисчивалин комитетди къайдасузваларин иштиракчйириина уголовный делойир гъитIиккнийи, 27 кас гъидиснийи, 400 каскьан административный жавабдарвалихъна гъахнийи.
Урусатдин гьюкмари Мягьяч-гъалайин аэропортдиъ гъахьи къайдасузваларин тахсир США-йик, Израилик ва Европайин уьлкйирик кипну..