Газат урхрударин терефнаан редакцияйиз хътау макьалйиригъян «Йисандин макьала» номинацияйиз учу Шихмягьямед Гьямидовдин «ГъуштIлар фужар ву – дирчв’ар вая сугъккар?» макьала адабгъуз къарар адабгъунча. Думу 2022-пи йисан январин вазли чап гъапIнийча, амма газат урхурадрин арайиъ публицистикайин бягьс жигьатнаан 2023-пи йис гьадму материалин лишниккди гъубшну гъапиш, учу гъалатI даршул, фицики дидин шилнаъди гизаф макьалйир-жавабар чап гъапIунча – Б. Къурбановдин, М.Гьясановдин, чав автори, Н. Мягьямадов-Курачевдин, И. Исаевдин, З.Загьировдин. Миди сабдикан хабар тувра — Ш.Гьямидовдин макьалайи газат урхрудар вижнасузди гъитундар, дурариз ужуб тясир гъапIну.