2023-пи йисан апрелин вазлиъ республикайиъ «Бабан чIалнан ва литературайин варитIан ужур мялим – 2023» конкурсдиъ Табасаран райондин Рушвларин гъулан мектебдиъ табасаран чIал киврайи мялим Лейла Сефербеговайи кьюбпи йишв гъадабгъну.
Рушв’ил гъулаъ мектебдиъ мялимди лихури, дугъан 21 йис шула. Бабан чIалнан дарсарси, Лейлайи бицIидариз шиклар каъбан дарсарра кивра.
Лейла Сефербегова мектебдиъ лихурайи йисари райондин ва республикайин конкурсариъ саб-швнубан иштирак гъахьну. Улихьна йисари райондиъ кIули гъубшу «Йиз Дагъустан. Йиз Табасаран» резервдин кадрйирин конкурсдиъ сабпи йишв, 2015-пи йисан «ВаритIан ужур мялим» конкурсдиъ табасаран чIалнан дарсар кивру мялимарин арайиъ кьюбпи йишв гъадагъну. Кьюд йисан республикайин олимпиадйириъ жюрийин вакил ва Владикавказдиъ кIули гъубшу вари Урусатдин бабан чIалар кивру мялимарин форумдин иштиракчи гъахьну.
ЦIиб улихьнаси Лейлайи Украинайиъ кIули гъябгъюрайи хусуси метлеб айи операцияйиъ иштирак шулайи ихь эскрариз рягьимлувалин кюмек тувбан акция тешкил гъапIну.