Самира Рамазанова Дагъустандин гьюкуматдин медицинайин университетдиъ гьарсаб сессия хъуркьувалариинди туври, вуздин жюрбежюр серенжемариъра жанлуди иштирак шулайи студент риш ву.
«Дупну ккундуки, 2022-пи йисан Дагъустандин варитIан адлу вузарин студентарин арайиъ «Дагъустандин студентарин хьадукар-2022» гала-концертдиз ужударсдар 21 нумра адагънийи. Гьадрарин арайиъди «Милли вокал» номинацияйиъ «Табасаран» мяъли хьади Самира Рамазанова удучIвнийи ва фестивалин лауреат гъахьнийи», – гъибикIнийи газатдин журналистди.
Самира Рамазанова анжагъ 2022-пи йисан ваъ, хъа гьар йисан чпин вуздинси, студентарин уьмриъ шлу рягьимлувалин ляхнаринра иштиракчи ву. Ужудар аьгъювалар айи бажаранлу риш йисандин студенткаси улупурача.