Цци республикайин кIулиъ айи Сергей Меликовдин теклифниинди, вари республикайиъ «КIваин уьрхбан багъ» проект ляхник кипнийи. Дидин дахилнаъди ноябрин вазлиъ 52 муниципалитетдиъ Ватандин маракьар уьрхюри, хусуси метлеб айи дявдин операцияйиъ гъийиху кьягьяларин гьюрматназ йимишдин ва жара гьарарин багълар кивнийи.
Табасаран райондиъ хусуси метлеб айи операцияйиъ гъийиху эскрарин гьюрмат уьбхбан багъ Ургур чву-ччвунна сар чуччун гъалайин аьтрафариин ачмиш гъапIну. Душваъ гьарсар гъийиху эскрин кIулихъ саб гьар кивну. Хъа Хив райондиъ хусуси метлеб айи операцияйиъ талаф гъахьи игитариз бахш дапIнайи багъ Хиварин гъулан М. Шамхаловдин ччвурнахъ хъайи мектебдин икриъ ибтну.