Ихь халкьдин арайиъ гизаф ватанперверар ашра, му номинацияйиз Хив райондин Зильдикк гъул’ан вуйи Астарханов Исламудин Мягьямедович ктагъунча.
М.В. Ломоносовдин ччвурнахъ хъайи Москвайин гьюкуматдин университет ккудубкIу жигьил юрист Исламудин 1987-2010-пи йисари Коми Республикайин прокуратурайин органариъ лихури, хъа 1993-2003-пи йисари Сыктывкариъ районарин арайиъ вуйи табиаьт уьбхру прокуратурайиз регьбервал туври гъахьну.
2010–2020-пи йисари дугъу зегьметнан рякъ Коми Республикайин Росприроднадзориъ давам гъапIну, сифте идарайин кIулиъ айирин заместителди, хъасин Коми Республикайинна Ненецкий автономный округдин Росприроднадзорин Урусатдин регионарин арайиъ вуйи управлениейин руководителди.
Гьаму вари йисари Ватандихъди ва гъахи гъулахъди аьлакьйир уьрхюрайи И.М. Астархановди ихь газатдиз кюмек тувубра кIваълан гьапIрадар. Гьаци дугъу цци багахьлуйириз ва танишдариз 34 агъзуриз 56 экземплярин «Табасарандин нурар» газатдин подписка гъапIнийи. Дидланра савайи, думу гележегдиъра табасаран халкьдин улихь дийигънайи месэлйир гьял апIбаъ чахьан шлу кюмек тувуз гьязур ву.
ЙИСАНДИН ВАТАНПЕРВЕР
![](https://zoritabasarana.ru/wp-content/uploads/sites/13/sites/13/2023/12/jisan-patriot.jpeg)