Гюльнара Мягьямедова

16-пи ноябриъ Каспийин варихалкьарин цифровой форум ачмиш гъабхьну. Серенжем ачмиш апIбаъ Дагъустан Республикайин Глава Сергей Меликов иштирак гъахьну.

Каспийск шагьриъ гъябгъюрайи  Варихалкьарин цифровой форумдиз 600-тIан артухъ кас регистрация дапIна. Серенжемдиъ Урусатдин Федерацияйин регионарин, Ирандин, Туркменистандин ва Узбекистандин IT-бизнесдин ва гьюкмин органарин вакилар иштирак шула. Дидин гьякьнаан I4-пи ноябриъ «Дагъустан» РИА-йин конференцйир гъахру залиъ Дагъустан Республикайин цифровой артмиш’валин министр Юрий Гьямзатовди республикайин мялуматарин дакьатарин журналистарихъди вуйи пресс-конференцияйиъ мялумат тувнийи.

Форум, уьлкйирин арайиъ аьлакьйир мюгькам апIбан ва вари халкьарин «Кафари-Кьибла» проект юрутмиш апIбан бадали, лазим вуйи рякъяр агуз цIийи жюрейиинди гъабхурайиб ву. Иштирак шулайи уьлкйирин вакилар, цирклариз дилигну, рабочий
дестйириз пай дапIна. Думу дестйири проект уьмриз кечирмиш апIуз технологйирин, техникайин, материаларин мумкинваларин гьякьнаан уьлкйир фици гьязурди вуш, аьгъю апIиди. IT-цирклин экспертари ужудар проектар гъядягъиди ва циркил артмиш апIбан теклифар дивди. Ужударсдар проектар уьмриз кечирмиш апIбан месэла пленарный совещаниейиз адабгъиди.

Асас темайилан савайи, форумдиъ транспортдин ва логистикайин, киберхатIасузвалин, туризмдин ва экологияйин месэлйирра гьял апIиди.

Серенжемдиъ Урусатдин, Ирандин, Азербайжандин, Казахстандин, Туркменистандин 40-риинакьан вуздиан ва ахтармишар гъахру центрариан вакилар иштирак шула. Форум Каспийск шагьриъ «Москва»
КРЦ-йин аьтрафариин РФ-дин цифровой артмиш’валин министерствойин ва Дагъустан Республикайин правительствойин кюмекниинди гъабхурайиб ву