Гюльнара Мягьямедова

Краснодарин Г.Ф. Пономаренкойин ччвурнахъ хъайи филармонияйиъ Расул Гьямзатовдин 100 йисандин юбилейиз бахш дапIнайи литературайинна музыкайин «Лизи къарнийир» фестиваль кIули гъубшну. Дидин гьякьнаан РД-йин милли политикайин ва диндин ляхнариз лигру министерствойин мялуматарин гъуллугъну хабар тувну.

Серенжем Краснодарин крайиъ айи Дагъустандин правительствойин вакил Мягьямед Нурутдиновди ва РД-йин милли политикайин ва диндин ляхнариз лигру министерствойин отделин кIулиъ айи Хасайбат Валиевайи ачмиш гъапIнийи.

Концертдин программайиъ мяълийир апIури, шиърар урхури артистар, студентар, мектебариъ урхурайидар иштирак гъахьнийи. Филармонияйин тегьлиздикк шаирин китабарин ва Дагъустандин халкьарин искусствойин алатарин выставка тешкил дапIнайи.