Гюльнара Мягьямедова

Мягьячгъалайиъ «Урусат – йиз тарих» тарихи паркдиъ, цIийи алапIну, Ватандин аьхю дявдин ва хусуси метлеб айи дявдин операцияйин иштиракчйириз бахш дапIнайи машгьурвалин зал абццуз гьязур дапIна.

 

Республикайин глава Сергей Меликовди музейиз хусуси метлеб айи дявдин операцияйин иштиракчйири чахьна туву кагъзар, пешкешар, эскрарин командирари чаз хътау чухсагъул мялум апIру кагъзар тувну.
«Ихь гизаф ватанагьлийири хусуси метлеб айи дявдин операция гъябгъюрайи йишваъ чпин улихь дивнайи месэлйир дирбаш’валиинди тамам апIурайивализ дилигну, гьамциб къарар кьабул гъапIунза. Гьарсарикан ктибтуз уз’ан сариан удукьурдар, хъа му залиъ варидарикан ктибтиди. Душваъ Ватан уьбхюрайи ихь ватангьлийирин игитваликан 100-диинакьан чухсагъул мялум апIурайи кагъзар а, далу терефну туврайи кюмекра кIваълан гьапIнадар.
Музейиъ айи экспонатарин арайиъ кьушмарин частарин женгнан пайдгъар, шиклар, хусуси метлеб айи дявдин операцияйикан ва ихь игитарикан китабар а. Хъа асасдар душваъ айи алатар дар, асасдар гьадму алатарихъди аьлакьалу кьягьял ва лайикьлу инсанар ву. Ихь игитар музейин юкIв ву.

Коллекция узуз багьалу вузуз, амма йиз фикриинди, думу сар касдинуб дар, думу вари Дагъустандин халкьаринуб ву. Гюрюшмиш шулайи вахтна женгнан юлдшари узуз туву гьарсаб мутму ухьу дамагъ апIурайи чIиви инсандин тарих ву», – гъапну региондин кIулиъ айири.
Выставка гьаммишан ачмишди хьибди, душаз варидарихьан пулсузди гъягъюз шулу.