2026-пи йисан 1-пи январиланмина, вари Урусатдиъси, Дагъустандиъра МРОТ-дин (гъизигу зегьметнахъан тувру варитIан цIибди вуйи кьадар) маважиб вазлин арайиъ 27 093 манат тяйин дапIна.

Гьаддихъди сабси региондиъ яшамиш хьпан бадали чарасуз лазим вуйи пулин кьадарра тяйин дапIна: кьялан гьисабниинди нуфусдин кIулихъ 17 234 манат улупна. Зегьмет зигуз удукьру агьалйириз 18 785 манат, пенсионерариз 14 821 манат, бицIидариз 16 717 манат улупна. Гьаму улупбар, агьалйириз гьюкуматдин терефнаан социальный выплатйир, пособйир ва жара кюмекар тувруган, гьисабназ гъадагъну ккунду.

Дагъустан Республикайин зегьметнан ва яшайишдин артмиш’валин министерствойи гъуллугъариъ айидариз чпин хиликк лихурайидари зегьметнахъан маважиб тувруган, къанундин къайдйир тамам дапIну ккунивал кIваин апIура.