Гюльнара Мягьямедова
21-пи сентябриъ Дагъустандиъ «Урусатдин тарихдинна культурайин ирс» кIул тувнайи Парламентдин 9-пи форумди чан ляхин ккебгъну.

 

Расул Гьямзатовдин 100 йисандин юбилейиз бахш вуйи форум РФ-дин Федерацияйин Советди ва РД-йин Правительствойи тешкил дапIнайиб ву.

Форумдин программайиъ жюрбежюр секцйирин заседанйир, выставкйир, Дагъустандин тарихдин ва культурайин устаханйир улупна. Душваъ гьял апIуз ккайи темйирин арайиъ Урусатдин культурайин ирснан, милли культурайин девлетар уьрхбан месэлйир, тарихи йишвар яратмиш апIувал, миллетарин, культурйирин, жа-жара динагьлийирин дин хъапIрударин, уьлкйирин ва халкьарин арайиъ дугъри гъуншивалин аьлакьйир уьрхювал улупуз шулу.

Форумдин ляхниъ Федерацияйин Советдин председатель Валентина Матвиенко, Дагъустан Республикайин Глава Сергей Меликов, федеральный ва регионарин гьюкмин органарин, ЮНЕСКО-йин, СНГ-йин ва Каспий гьюлин багарихь хьайи уьлкйирин вакилар иштирак шула.