Гюльнара Мягьямедова
Табасаран райондин главайин къарарниинди гизаф йисари баркаллу зегьмет зигбаз ва райондин артмиш’валик лайикьлу пай кивбаз дилигну, Бухьнагъ гъулан агьали Селимат Гьяжимурадовайиз «Табасаран райондин улихь лайикьлу хьувализ лигну» медаль тувну.

Селимат Гьяжимурадова 1940-пи йисан Жвулли гъулаъ бабкан гъахьну. Думу Табасаран райондиъ сабпи ражари заан образование гъадабгъу дишагьлийирикан сар ву. Селимат Гьяжимурадова гизаф йисари жюрбежюр гъуллугъариъ гъилихну. Дугъан баркаллу зегьмет жюрбежюр наградйириинди лишанлу дапIна: думу «Халкьдин образованиейин отличник» ччвурнан, Халкьарин дуствалин ордендин ордендин ва жара медаларин сагьиб ву.

«Табасарандин нурар» газатдин редакция-йин колллективди Селимат Гьяжимурадова чаз тувнайи наградайихъди тебрик апIури, дугъаз жандин мюгькам сагъвал, кIван шадвал, хушбахтлу ва саламат уьмур ккун апIура.

Газатдин гъюру нумрайиъ Селимат Гьяжимурадовайихъди вуйи аьхю интервью тувуз планламиш дапIнача.