2023-пи йисан майин 23-пи йигъан РД-йин Р.Гьямзатовдин ччвурнахъ хъайи милли библиотекайиъ «Дагъустандин машгьур баяр» проектдин дахилнаъди СВО-йиъ гъийихдариз ва гьацира «Урусатдин Игит» ччвур туву табасаранариз бахш вуйи маракьлу серенжем кIули гъубшну. Думу Дагъ. Огни шагьрин, Табасаран ва Хив районарин администрацйирин иштирак’валиинди Р.Гьямзатовдин ччвурнахъ хъайи милли библиотекайи ва «Табасарандин нурар» газатдин редакцияйи тешкил гъапIуб вуйи.
2022-пи йисан РФ-дин Президент Владимир Путинди шубур табасаранлуйиз Урусатдин Игит ччвурар тувну – Хив райондин Зилдикк гъулан вакил, ЛНР-ин Халкьдин милицияйин эскервалин 2-пи корпусдин командующий, генерал-майор Эседуллагь Абачевдиз, Табасаран райондин ТIаттил гъулан вакил, танкарин взводдин командир, аьхюну лейтенант Руслан Къурбановдиз ва Дагъ. Огни шагьрин агьали, Кафари флотдин жаради вуйи мотострелковый 200-пи бригадайин танкариз аькси идара апIру ракетйирин батареяйин командир, капитан Исрафил Мягьямедовдиз (йикIбалан кьяляхъ).
РЕДАКЦИЯЙИН ЙИСАНДИН СЕРЕНЖЕМ
![](https://zoritabasarana.ru/wp-content/uploads/sites/13/sites/13/2023/12/jisandin-serenzhem.jpeg)