Гюльнара Мягьямедова

 

Гьар йисан Дагъустандин Глава Сергей Меликов региондин Халкьдин Собраниейихьна Послание хьади удучIвуру. 2023-пи йисан думу серенжем Дуствалин хулан лизи залиъ кIули гъубшнийи. Чан Посланиейиъ республикайин Главайи дагъустанлуйирик гъалабалугъ кипрайи месэлйир гъитIирккнийи: Урусатди гъабхурайи хусуси метлеб айи дявдин операцияйиъ иштирак шулайидариз ва дурарин хизанариз кюмек тувуб, транспортдин «Кафари-Кьибла» коридор ачмиш апIуб, жигьиларин политикайин, образованиейин ва гьацира жара месэлйир гьял апIуб.

Майдин 29-пи йигъан Сергей Меликов Дагъустандин Халкьдин Собраниейихьна нубатнан Послание хьади удучIвиди.
Региондин Главайи республика артмиш апIбан варитIан важиблу асас месэлйир улупиди. Асас фикир агьалйирин яшайишдин дережа за апIбаз, хусуси метлеб айи дявдин операцияйиъ айидариз кюмек тувбаз, промышленный ва туриствалин мумкинвалар яркьу апIбаз тувди.

Ццийин серенжем яркьу жюрейиинди гъабхбанди ву. Дагъустандин парламентдин депутатарилан савайи, Послание урхруган, серенжемдиъ Госдумайин депутатар, гьюкмин органарин кIулиъ айидар, жямяаьтлугъ тешкилатарин, жигьиларин гьяракатарин вакилар ва журналистар иштирак хьиди.
Посланиейиз РГВК «Дагъустан», ГТРК «Дагъустан» телеканалариан лигуз, «Россия», «Страна гор», «Столица» радостанцйириан хъпехъуз хьибди. Думу Сергей Меликовдин телеграм-каналиъ ва «ВКонтакте» социалин сетдин аккаунтдиъра улупиди.