Госдумайи пенсионерариз яшамиш хьпан бадали чарасуз лазим вуйи пулин кьадарниин аьлава пул иливбан къарар кьабул гъапIну.

Му къанундин проект гьюкуматдин Главайин табшуругъниинди кьабул гъапIуб ву.

Му цIийивалари уьлкейиъ касиб инвалидарихьна вуйи дугърисуз аьгьвалат къайдайиз хибди. 2019-пи йисан 1-пи январихъан мина дурари пенсияйиин иливу, кьялан гьисабнаан, агъзур манат гъадабгъундар, фицики му пул гьарсаб регионди яшамиш хьпан бадали чарасуз лазим вуйи пулин (МРОТ-дин) кьадарнан ерина гьисабназ гъадабгъну. Къанундин проект-диъ сифте социалин аьлава пул тяйин апIувал, анжагъ хъасин пул иливувал улупура. Гьаци вуйиган, ляхин дарапIрайи пенсионерарин материалин тяминвал МРОТ-диин иливу улупнайи пулин кьадарниинди артухъ хьибди.

Проектди гьацира ляхниъ адру пенсионерари гъябгъюрайи йисан гъададабгъу думу пул дурариз тувувал ккун апIура. РФ-дин Минтруддин кIулиъ айи Максим Топилинди депутатариз хабар тувганси, Пенсйирин фонднан бюджетдиъ думу пул тувуз дакьатар гьуркIну а. Пенсйириин иливу пул май вазлиъ тувуз хъюгъди.

Госдумайин спикер Вячеслав Володинди гъапиганси, къанундин метлеб – бицIидихъан мина майиф агьли касариз вая веледариз лигури, стаж дархьидариз ясана бицIи маважибдихъ лихури гъахьидариз кюмек апIувал ву. Пенсионерари улупнайи 7% аьлава пул 1-пи январиан мина гъадабгъиди. Аьрза бикIуб вая жара справкйир уч апIуб лазим дар.