16-пи октябриъ «Табасаран район» МР-ин администрацияйин кIулиъ айи Мягьямед Къурбановди бабкан гъахьи Йигъ къайд апIура. Му йигъахъди аьлакьалу вуди «Табасарандин нурар» газатдин редакцияйиз Табасаран райондин администарцияйиан тебрикнан кагъаз гъафну. Думу исихъ чап апIурача.

 

Гьюрматлу Мягьямед Сиражудинович! Уву кIваантIан бабкан гъахьи Йигъахъди тебрик апIурача! Уву гьамусдин деврин хъуркьувалиинди идара апIру гъуллугъчйирин цIарнаъ айи кас вува. Дупну ккундуки, Табасаран райондин главайин гъуллугъниина тяйин гъапIу садпи йигълан мина уву тешкиллувалин заан мумкинвалар айивал, зегьмет зигуз гьязур вуйивал, пишекарвал, ляхнихьна вуйи яв жавабдарвал улупунва.

Уву апIурайи ляхнин мянфяаьтлувалиинди ва ляхин кIулиз адабгъуз аьгъювалиинди, гъарашугъарин терефнаанси, райондин агьалйирин терефнаанра гьюрмат ва ад гъазанмиш гъапIунва. Табасаран райондин главайин гъуллугъниин лихури цIиб вахттIан даршра, увхьан райондин яшайишдинна экономикайин артмиш’валин гизаф месэлйир гьял апIуз удукьну. Уву кIулиъ ади зигурайи баркаллу зегьметназ лигну, гъи райондиъ гизаф ужудар дигиш’валар духьна. Райондиъ агьалйирин яшайишдин дережа за апIру федералин ва региондин программйир уьмриз кечирмиш апIура. Райондин гьамусдин ва гележегдин уьмрихъан юкIв убгурайи касдиси, уву ватанпервервалин ва Ватандиз гъуллугъ апIрурин чешне улупурава. Гъит яв уьмрин дюз вуйи рякъюъ улихь дивнайи гьарсаб месэла гьял апIбаъ хъуркьувалар ишривуз. Увуз гележегдиъра жандин мюгькам сагъ’вал, ислягьвал, хушбахтвал ккун апIурача, район кюкдихъ хъайи багъдиз илтIибкIуз, кIваъ айи ужудар хиялар кIулиз адагъуз кьувват тувривуз!

Гьюрматниинди «Табасаран район»
МР-ин администрацияйин коллектив ва райондин Собраниейин депутатар