Аьзиз Рамазандин вазли лезгйирин федералин милли автономияйин (ФНЛКА) вакилари Дагъустандин кьибла 12 районарин аьтрафариин рягьимлувалин кюмек тувбан серенжемар гъахура.

 

Улупнайи акцияйин дахилнаъди касибвал кайи Хив райондин варж хизандизра кюмек тувру мумкинвал гъабхьну.

 

ИпIру-ухру сурсатарин наборариз игьтияж айи хизанарин сиягьар гъуларин ерли поселенйирин главйири улупну. Гъулариан улупнайи сиягьариз асас вуди ФЛНКА-йиан тувнайи рягьимлувалин кюмек йишвариина жара дапIна.

 

Хив райондин глава Ярмет Ярметовди райондин аьалйириз тялукь кюмек туву тешкилатчйириз чухсагъул мялум гъапIну, ва администрацияйин терефнаан тялукь серенжемар гъахувализ лазим кюмек тувуз гьар вахтна чпи гьязур вуйивал субут гъапIну.