10-пи апрелиъ Хив райондин Арчугъ гъул’ан вуйи Ватандин Аьхю дявдин ветерандин ачIни хпир Гьейбат Мирзахановайиз яша-йишдин хуларихъди тямин апIбан гьякьнаан тялукь сертификат тувну.
Хив райондин глава Ярмет Ярметовди къайд гъапIганси, улупнайи серенжем «1941-1945-пи йисарин Ватандин Аьхю дявдин ветеранар ва дурарин наслар яшайишдин хуларихъди тямин апIбан гьякьнаан» вуйи Урусатдин Президентдин Указдин бинайиинди гъабхурайиб ву.
Аьлава апIурза, сертификатдиз асас вуди, Гьейбат Мирзахановайиз яшайишдин шартIар мюгькам апIбан метлебариз гьюкуматдин терефнаан 1 миллионна 67 агъзурна 580 манатдин кьадарнаъди дакьатар жара гъапIну.
