Коронавирус тарабгъбаз аькси уьлчмйир кьабул апIувалихъди Дагъустандиъ вакцинацияйин гьяракатра жанлу гъабхьну. Республи-кайин минздравдин пресс-гъуллугъну туву мялуматариинди, 3-пи ноябриз саки 528 касди ковиддиз аькси вакцинайи рубар дивна.

Мидиз улихьна Урусатдин сагъламвал уьбхбан министр Михаил Мурашкойи саб бязи регионариъ, гьадму гьисабнаан Дагъустандиъра, гьяракатниинди вакцинация дубхну ккуниваликан гъапнийи.

3-пи ноябриз вуйи улупбариинди, Дагъустандиъ коронавирус кубчIвбан 56 501 дюшюш тасдикь дапIна. Дурарикан 52 090 кас сагъ гъахьну, 2778 кас гъийихну.