РФ-дин Правительствойин къарарназ асас вуди, никк ккудубзру хюнйир артмиш ва гьясил апIбан ляхин гъабхурайидариз субсидйир жюрейиинди дакьатар тувбан проект тартиб дапIна.
Статистикайин улупбариинди, гъийин йигъаз Дагъустандиъ 907 агъзур ккудурзурайи хюнйир а. Ккудурзурайи хюнйир уьрхюрайи хусуси мяишатар ктарди, имбуну мяишатариз субсидйир тувуз планламиш дапIна. Проектдиъ гьаму йисан никк ккудубзурайи хюнйириз гъадабгъу комбикормйирихъ, укIахъ ва жара малари ипIрубдихъ харж гъапIу пулин кьадарнакан субсидйир жюрейиинди 50% кьяляхъ тувувал улупна.
