Республикайин мектебариъ ва бицIидарин багъариъ, ОРВИ ва грипп уьзрарихъди баяр-шубар ктIерццувал артухъ шулайивалихъди аьлакьалу вуди, карантин мялум дапIна. Роспотребнадзорин РД-йиъ айи Управленийин пресс-гъуллугъну туву мялуматариинди, 42 мектебдиъ ва бицIидарин 3 багъдиъ тялукь уьлчмйир кьабул дапIна.

 

 

Управлениейи гьар йигъан мектебариъ, бицIидарин ба-гъариъ, вузариъ ва колледжариъ баяр-шубар дарсариз гъювал ахтармиш апIура. СанПиН-дин тIалабариз асас вуди, эгер образованиейин тешкилатдиъ 20 процентIан зиина бицIидар кетIерццнайивалиан дарсариъ адарш, дарсар аьгъю апIбан гьяракат дебккбан къарар кьабул апIуру.

Гъубшу гьяфтайиъ республикайиъ тарабгънайи грипп ва ОРВИ уьзрарин жюре аьгъю апIбан бадали, 304 кас ахтармиш гъапIну. Гьаци, гриппдиз аькси рубар дириву 3 касдин А (H3N2) жюрейин грипп тасдикь гъабхьну.