Вари Урусатдиъси, Дагъустандиъра, хьадукраан башламиш дапIну, коронавирусдин уьз-риз аькси рубар йивбан серенжемар жанлуди гъахура.

 

Му жигьатнаан Хив райондиъра натижалу ляхин дубхна.

– Улупнайи вахтназ Хив райондиъ 9260 касди рубар йивна. Мурар вари вакцинайин кьюбиб паярра йивнайидар ву. Гьаци, райондиз улупнайи план артухъдира тамам дапIна.

Рубар гъивдарин сагъламвалин аьгьвалатнакан улхуруш, рубди тясир дапIну, аьрзйир кайидар гъахьундар. Сабпи йигъан бедендин температура цIибди за хьпан мумкинвал, гьелбетда, а, жараси вакцинайикан зарар адар.

Гьаци вушра, гьяйифки, агьалйирин арайиъ му жигьатнаан рубар йивувалин зарарнакан вуйи улхбар кам шуладар. Тялукь ватандашарихьна илтIикIури, къайд апIураза: гьюрматлу ватанагьлийир, гьюкуматдин терефнаан му серенжемар вари агьалйирин сагъламвал уьбхбан, уьлкейиъ гъизгъинвал арайиз гъабхи коронавирусдин уьзриз рякъяр хъяркьбаз, аьзарлуйирин кьадар кам апIбаз сарф дапIнайидар ву. Мушваъ гьарсари жавабдарвал гьисс апIбаъ аьхю мяна а, – къайд гъапIну Хив ЦРБ-йин кIулин духтрин заместитель Наида Пашаевайи.