Уьлкейиъ гьар йисан кIули гъябгъру «Аьхю Гъалибвалин Игитар – 2022» вари Урусатдин литературайин 8-пи конкурс башламиш дапIна. Конкурсдиъ тарихнан ва дявдинна ватанпервервалин мяна айи литературайин ихтилат, очерк, шиир, гъизигу шикил, гъиву шикил ва мяъли хьади иштирак хьуз шулу.

 

 

Конкурс гъабхбан метлеб – аргъаж шулайи наслариз ватанпервервалин тербия тувбан, Урусатдин дявдинна тарихнан ирс уьбхбан бадали, Ватандин сяргьятар гъюрхю советарин эскрарин ва Урусатдин кьушмарин игитваликан кIваинди гъибтувал ву.

Конкурсдин тешкилатчйир Урусатдин писателарин Союз, РФ-дин оборонайин министерство, РФ-дин мярифатнан министерство, РФ-дин культурайин министерство, Урусатдин гьюкуматдин библиотека, «Не секретно» чапхана ву.

Конкурсдин гьякьнаан тамам мялуматар http://героивеликойпобеды.рф http://vk/com/gvp2017 сайтдиъ урхуз шулу.

Гьюрматлу мялимар, мектебариъ урхурайидар гьаму конкурсдиъ иштирак хьувалиина жалб апIинай.