РД-йин Халкьдин Собраниейин образованиейин ва илимдин комитетдин улихьна йигъари гъабхьи заседаниейиъ цци республикайиъ ЕГЭ тешкил апIбан ва кIули гъабхбан гьякьнаан месэлайиз гъилигну.

 

 

РД-йин ДИРО-йин мялуматар тартиб апIбан региондин центрин кIули айи Аскандар Мягьямедовди къайд гъапIганси, ЕГЭ гъабхбан бадали, республикайиъ 73 пункт, хъа ГИА гъабхуз – 140 пункт гьязур дапIна. Аьхиримжи аттестация гьякьлуди ва дюзди кIули гъабхбан бадали, дурар видеойин гюзчивал тямин апIру гьамусдин деврин алатарихъди албагна. Асас фикир экзаменар гъахру пунктариъ зат хътудубтIди интернетдин аьлакьа ва электрикдин акв ади хьпаз, хатIасузвал тямин апIбаз ва, лазим гъабхьиш, медицинайин кюмек тувбаз жалб дапIна.

2022-пи йисан Дагъустандиъ ЕГЭ тувбан цIийи технологйир ишлетмиш апIура. Гьамус экзамендиз вуйи материалар интернетдиъди хътаура: дурар ЕГЭ гъабхурайи аудиторияйиъ варидин улихь принтериккан ва сканериккан ккадагъиди.