Улихьна йигъари Дагъустан Республикайин гъулан мяишатдин ва ипIру-убхъру сурсатарин министр Мухтарбий Аджековди республикайин карханйири жюрбежюр мевйир гьясил апIувал артухъ апIруваликан гъапну.

 

 

Гьамусяаьт уьлкейиъ айи аьгьвалатназ лигну, мейвйирихъди вуйи тяминвал кам дархьбан бадали, хутIлариъ борщ гьязур апIруган лазим вуйи мейвйир, гьадму гьисабнаан картфарра, артухъди гьясил апIуз планламиш дапIна.

«Гъубшу йисан республикайиъ 40 агъзур гектарин хутIлариъ мейвйир кивнийи, хъа 19 агъзур гектариъ картфар гъурзнийи. Цци кIуруш, асас фикир тешкиллувалин секториз тувну, мейвйир 42 агъзур гектариъ кивуз, картфар – 20 гектарин хутIлариъ урзуз планламиш дапIна.

Мейвйир ва картфар районариъра артухъди кивбан бадали, гъулан мяишатдин гьаму культурйириз туврайи субсидйирин кьадарра артухъ дапIну, муниципалитетарихъди хайлин ляхин дубхнача», – гъапну министри.

Мидланра гъайри, министри асас вуди къайд гъапIганси, мейвйир кивуз артухъ гъапIу хутIларин 75% литIнариинди шид тувруси ккабалгна, ва гьацира хутIлариз мархьси убгъури шид тувру тялукь авадлугъарра а. Мухтарбий Аджековди, гьадрарин кюмекниинди цци хутIлариъ ужуб бегьерра хьибди кIури, умуд кивра.