Июндин 27-пи йигъан РД-йин министрарин кабинетдин кIулиъ айи Аьбдулмуслим Аьбдулмуслимовдин регьберваликкди Дагъустандин Правительствойин заседание кIули гъубшну. Заседаниейиъ республикайин муниципальный образованйири абйир-бабарин кюмек адарди гъузу йитим бицIидар яшамиш шлу хуларихъди тямин апIбан месэлйир гьял гъапIнийи.
Премьер-министри къайд гъапIганси, йитим бицIидар хуларихъди тямин апIувал – яшайишдин мяна айи мес-эла ву, думу вахтниинди гьял дапIну ккунивализ лигну, месэла Дагъустандин Глава Сергей Меликовдин асас гюзчиваликк кка.
Аьбдулмуслим Аьбдул-муслимовдин гафариинди, гъийин йигъан читинди ди-йибгънайи мсесэла – хулар масу туврударихъди йикьрар йитIбахъди аьлакьалу ву. Шагьрарин ва районарин глав-йирин фикриинди, улихьди республикайин Правитель-ствойи йитим бицIидариз масу гъадагъру яшамиш шлу хуларин 1 квадратдин метриз улупнайи кьимат лап цIиб вуйи. Гьаддиз хулар масу туврудари алвер апIуз разивал туврадайи. СатIи вуйи ляхин гъабхбан кьяляхъ, 2022-пи йисан кьюбпи кварталиъ гизаф шагьрариъ ва районариъ масу гъадагъру яшамиш шлу хуларин саб квадратдин метрин кьимат за гъапIну.
РД-йин Правитель-ствойин кIулиъ айири къайд гъапIганси, республикайиъ чпин яш 14 йис ва артухъ дубхьнайи 3950 бицIир жюрбежюр себебариан абйир-бабарин кюмек адарди гъузну.
2022-пи йисан Дагъустан-диъ йитим бицIидариз яшамиш шлу хулар масу гъадагъуз 770 миллион мнаттIан артухъ дакьатар жара апIиди. Заседаниейиъ тасдикь гъапI-ганси, гьаму йисан республикайиъ 396 бицIир яшамиш шлу хуларихъди тямин дапIну ккунду. Думу метлебариз жара дапIнайи пулин саб пай — 122,8 миллион манат федеральный центри хътапIиди, хъа 650,4 миллион манат республикайин бюджетдиан тувди.
Заседаниейин аьхириъ Аьбдулмуслим Аьбдул-муслимовди Дагъустандин тикилишчивалин министерствойиз республикайин экономикайин артмиш’валин министерствойихъди сатIиди региондин яшамиш шлу хуларин саб квадратдин мет-рин стандарт тяйин апIувал, гьацира 1-пи сентябрь улубкьайиз, вари муниципалитетариъ планламиш дапIнайи объектарин гьякьнаан йикьрар йитIувал табшурмиш гъапIну.
