Йирси газатар ккадаркури
Маймашккрин йигъари буржуазия гьукуметдин гъутIу багьнийирин дестег кIанангъина тIуркIиди.
китайдин уьру эскрар амуйдиина
япундин «прес юнин» кIуру газетдин мяълуматариз гюре, китайдин уьру эскрар китайдин азадвал бадалди япундин амуй кIуру йишв̕ ина дуфну улучьна. Мурарин кьадар 20 агъзур ву. Мурарин хилихъ хъидитIнайи цIил (лишан) дик «учу миллетдин азадвал бадалди япундиз гъаншар вуча» кIури дибикIнуа.
манжурайин назирарин шурайиз яппунар тяъйин гъапIну.
тукиу (япундин) шегьердиан тувнайи хабарназ гюре манжурия гьукуматди чан аьхю вуйи идарйириз 4 кас япундин идмийер тяъйин гъапIну.
мурарикан сар кIуру: япундин кюгьне армияйин аьхюр «ккаман» манжурдин назирарин шурайин умуми шуъбейин началник вализ, «ухас» (кюгьне ккунсур) харижи (чIат ппаттан) ляхнарин назир, «сакани» кIурур хазнайин уьмуми шуъбейин назирвализ ва миттани кIурур cан пулис (жандармайин) началниквализ тяъйин гъапIну.
мурарин тяъйин апIувал япундин чан манфааьт бадалди ву.
берлиндиъ 150 агъзур ккаммунистдин демунстрация
берлиндиъ априлин вазлин 20 ди 150 агъзур ккаммунистдин демунстрация (уч) гъахьну.
му дявдиз аьксина вуйи демунстрациция вуди вари фягьлийири иштрак дапIну му демунстрацияйиъ, 25 ккаммунист гъухну, мурарикан сара гирманияйин меркези фиргъа камиттетдин чилен уьлдеш «гейнц нейман» ву.
пулицари му демунстрация му демунсрарация ттарагъуз хъюгъну. Сар фягьлайиз ижмиди гъевну ва му гьялнаъ 60 фягьла дустагъ гъапIну.
Табасаран загьматкешари цIийиди удучьу «уьру табасаран» газет шадвалиинди табрик апIура
Д. х. г. шурайин раис уьлдеш мамедбеговдин тебрик.
табасарандин генг вуйи халкь сациализм гъурмиш апIбан бадалди мубараза (даъва) йихьна алаъру дайин (ташкилатчийирин) жергейиъ учьрайи «уьру табасаран» газетдин, удучьурайи саб кIуру нумра табрик апIураза.
бабан чIалинди вуйи газет дагъистандин гьамкьан кьяляхъ хъинбу табасарансиб магьали медени инкъилабдин фурунтди улигь гьайи игитарикан сар хьувализ гьеч шак адар. Му жавабдар вуйи ляхниъ «уьру табасаран» газетдин муваффагъиятвал ккун апIурза.
к. мамедбегув.)
«уьру табасаран» диз салам
мукьан гагьназ кьяляхъ имбу миллетарин меселе каммунист ппартияйи гьай гъапIси, бабан чIалинди эдебиййат, матбуят адру табасарандизра милли меденият яратмиш гъапIну.
учу умуд киврачаки: «уьру табасаран» газетди табасарандин тарихнаъ зурба вуди рул гъахиди ва цIиб вахтна табасарандин зегьметкешер суциалист ва медениятдин женгериз зигиди.
«уьру табасаран» диз ккамсамул саламар
райккум ккамсамул г. рамазануф.
Табасаран райун ппартини камитетдин кьюб гаф
1932 йисан майин машкквар миди вуйи райунаринтIан табасарандин зегьметкешариз саб гизаф аьхю мурадарихъ хъуркьу валиинди гъафиб варидиз мяълум ву.
митIлан улигьна цар гьукуматдин заманайиъ ухьу фужар вуйи ва фициб гьялнаъ яшамиш шулайиш, гъе фицдар улигь гъягъювалар ухьухь духьну аш ва шулуш ихь газетдин гъюз инбу нумруйириъ улуфиди.
амма саб мутму къайд апIурхьа: накьдин йигъан кьатIар дапIун гьар ппаттаз жара духьнайи, эдебиятдикан бий хабар медениятди канра ярхла гьар ппаттан зулумнакк ккайи табасаран зегьметкешари чппи чебтIан башкъа, чпин бабан чIалра дудугъну, гъуншу миллатарин чIалар кьабул гъапIу гъуларра дирчу ихь улигь саб делил вуд ки: табасарандин зегьметкешарин зиин таз йигъ инбу – миллатарин зиинтIан саб шьунуб ражну гизаф алди хьи вализ.
гъе шура гьукуматдин девриъ ву рякъюра хьуз?
ухьуз рякъюраки гьар фу кьадар зулумнакк яшамиш гъаши жьилли (хирда) миллатар аш варидиз тамам азадвал тубну чппин бабан чIалинди йази (бикIуб) адагъну дурар тамам иркин валихъ хьаъну.
Гьадму миллетарикан саб ва бейкIи гзаф зулум гъяркью табасаран загьметкешаризра чипин бабан чIалинди бикIуб тIан башкъа, сациализма гъурмиш апIбаъ загьметкешарин ихтибарин саб ярагъ вуйи райундин газетдизра эйси духьуна. Мура вари лениндин ппартияйи лениндин милли сиясат дюзди гъахбан натижайир ву.
Му лениндин ляхин ву.
Яшамиш ишри зегьметкешариз тамам азадвал тубу ва дурайиз илимдин ишигъ улупурайи лениндин ппарттия!
Яшамиш ишри лениндин ппартияйин сар кIуру секретар уьлдеш (сталин!)
Райккум шалбузуф
Табасаран хппари «уьру табасаран» мубарак апIура
Априлдин 25 ди тинитI гъаши хппарин мажлесдиъ ппаттан цIийиди удучIву «уьру табасаран» газет шадвалиинди мубарак апIурча. ич бабан чIалнди вуйи му газетди ухьуз гизаф манфааьт тувди. учу хппари му увхуз ва дидин мухбир хьуз гаф тувурча.
«митинг»
«Уьру Табасаран»
№1, 1932 йис
Къайд: Рубрикайиккди тувнайи материаларин орфография ва авторарин хатI айибси, дигиш дарапIди тувна.
