Гьаму йисан 1-пи сентябрихъан дагъустандин мектебариъ тербияйин месэлйириан директорарин теклифчйирин гъуллугъар тIаъди.

 

 

Гъябгъюрайи йисан апрелин вазлиъ гьацдар 35 регионарин сиягьнак Дагъустанра кабхъну. Директорарин теклифчйири бицIидарин жямяаьтлугъ тешкилатарихъди сатIиди мектебариъ тербия-йин ляхин гъабхиди. Гьаддин гьякьнаан РД-йин образованиейинна илимдин министерствойин пресс-гъуллугъну мялум гъапIну.

Гьаму проектдиъ иш-тирак’вал апIурайивали Да-гъустандиз образованиейин цирклиъ тербияйин ляхин ужу ва республикайин мектебариъ кадрйирин гъурулуш цIийи алапIуз мумкинвал тувиди.
Му гъуллугъназ вуйи конкурсдиъ дагъустандин мялимарихьан, гьацира педагогвалин вузаринна педколлежарин студентарихьанна выпускникарихьан иштирак’вал апIуз шулу.

«Думу педагогвалин вуз ккудубкIу, мектебариъ урхурайи баяр-шубарихъди чпин чIалниинди гаф-чIал апIуз шлу, яна дурарин урхбан кьяляхъ вуйи вахт тешкил апIру – спортдин серенжемариз, теат-риз, музеяриз хъади гъюгъю-ри, дурарихъди гаф-чIал апIури – жигьил кас духьну ккунду», – къайд гъапIну РФ-дин мярифатнан министр Сергей Кравцовди.

Программа «Образование» нацпроектдин вазифйириз асас вуди гьязур дапIна. Думу, Урусатдин Федерацияйин халкьарин рюгьнанна намуслувалин кьиматлуваларин бинайиин алди, вари терефариан аьгъювалар айи ва яшайиш жигьатнаан жавабдар кас тербияламиш апIбиин асасламиш шула.