Абйир-бабарин саб вуйи собраниейиъ ихтиярар чIур апIувалин улихьишв бисбан месэла гьял апIиди.

 

 

7-15-пи октябриъ республикайин мектебариъ «Ихтиярар чIур апIувалин улихьишв бисбаъ хизанди ва хизандиъ туврайи тербияйи уйнамиш апIурайи роль» ччвур тувнайи Абйир-бабарин саб вуйи собрание кIули гъябгъиди. Гьаддин гьякьнаан РД-йин образованиейин ва илимдин министерствойин пресс-гъуллугъну мялум гъапIну.

Абйир-бабарихъди вуйи гюрюшдиз гьацира РД-йин Прокуратурайин вакилариз ва къанун уьбхру жара органарин гъуллугъчйириз теклиф апIиди. Мицдар гюрюшарин метлеб — живанари къанун чIур апIбан дюшюшарин улихьишв бисувал ву.