Дагъустандиъ «Президентдин грантарин фондарин конкурсариъ иштирак ва гъалиб хьувалин мумкинвалар» кIуру семинарар кIули гъягъиди.

 

6-7-пи октябриъ Дагъустан Республикайин коммерцияйин дару тешкилатариз тялукь аьгъювалар тувуз Президентдин грантарин фонднан пишекрар гъюра. Гьаддин гьякьнаан РД-йин жигьиларин министерствойин пресс-гъуллугъну мялум гъапIну.

Кьюд йигъандин муддатнаъ фонднан генеральный директорин заместитель Иннокентий Дементьевди дагъустандин НКО-йин вакилариз грантарихъди ляхин апIбан жюрбюжюр къайдйирикан ктибтиди.

Мидланра савайи, дугъу фужар ва фицдар проектар хьади фонднан конкурсариъ иштирак хьуз шулуш, проектдиз фициб кьадар пул улупуз ихтияр аш, конкурсдиъ иштирак хьуз аьрза бикIайиз улихьна, яшайишдин цирклиан проект фици тартиб апIуруш, иштиракчйири асас вуди фицдар гъалатIар деетури шулуш ва хъана жара аьгъювалар тувди.