– Дада, йип узуз, фу ужуди ву – институтдик кучIвувал, дарш жилириз гъягъювал?
– Жан риш, наан уву кьабул апIуруш, увуз аьгъяди ккунду.

 

* * *
Жилириз дивандиин дахъуб хяви дубхьнайи. Дугъаз гъудужвну фукIа-мукIа апIуз фикир гъюру. Гьаму арайиъ багахьна гъафи хпири кIуру: «Гъудужв, фукIа-мукIа апIин ихь хулаъ!» Хпирин табшуругъар кьабул дару жилир хъана дивандиин ярхи шулу.

* * *
– Адаш! СатIиди циркназ гъягъюхьа?
– Вахт адарзуз.
– Дина гъушу йиз дуст баярикан, гъяцIли хпир асландиин элеъну ккажаргъура кIури, гъеебхьунзуз.
– Ибшри, гъягъидихьа. Аслан дярябкъди гизаф вахт вуйиз.

* * *
– Яв хпир лап утканур вухьиди.
– Фици аьгъю гъабхьунвуз?
– Уву цIиб куцсуз вушра, яв веледар уткандар ву.

* * *
Жилири хпириз:
– Гъагъишнанна ягълишнан таблицайин кIалбариинди увуз хъана гьацI метрикьан ягълишин ккунду.
– Дици гъабхьиш, узу раккнарикк ккуршидар.

* * *
– Ккунир! Увуз кIуру кьюб хабар азуз: саб харжиб, сабсан – ужуб.
– Фицдар вуяв?
– Харжиб – узу яв жибариъ айи вари пулар харж гъапIунза. Хъа ужуб – пул хьтаршра, уву гизаф ккундузуз.

* * *
Гьюрматлу дуст! Гиран мапIан, яв сумчриз гъюз гъабхьундарзухьан. Хъа ражарин сумчриз чарасузди гъидиза.

* * *
Эгер увуз кьабул духьнайи кас увухьинди лигури адарш, дугъхьан хайлин пул бурж апIин. Думуган дугъаз уву кIваин дарапIуз чара хьибдар.

* * *
Жилириз ужуб нясигьят: эгер хпир элегуз хъюгъраш, артухъ гафар дарапIди, дугъахьинди пул айи мажник гатIабхь.

* * *
– Йиз хпириз лап яваш пишпишарра ерхьуру, – кIуру сар касди чан дустраз.
– Фици аьгъявуз?
– Узуз телефондиан зенг апIурайирин сес дишагьлийинуб вуди гъабхьиш, гьяракатниинди узхьан гьерхру: «Думу лагълагъчи фуж ву?»

* * *
Дустраз кIура:
– Такабур шубариз лигубтIан имдарзуз.
– Гьаз?
– Швушв гъахунза.

* * *
Кьюр жилар улхура:
– Лап улигьдин вахтари жилирихьан хпириз фу бихъурайи?
– Филадин улигьдин вахтари?
– Пул адабгъайиз!

* * *
Дустру кIура:
– Уву гьарган хпирихъди элегури шулава, хъа дугъан дадайин тярифар апIурава. Яв фици гъавриъ ахъуз шулу?
– Узу швушв хруганра, дугъан дада, чан шуран мучIмучIин гьял агъяди, разиди дайи.

 

«Кроссворд» журналикан уч дапIну, ихь чIалназ

таржума гъапIур Шихмягьямад Гьямидов ву.