Яшамиш хьуз гъюрхюр вуйиз бай.
Дугъан уьмриан гъягъюз вахт гъабхьундай
Балихъди узура гъакIунчва дявдиъ
Дадайин юкIв ивна, йипай, му накьвдиъ.

 

Му гафар, ихь уьлкейи Украинайиъ гъабхурайи хусуси метлеб айи дявдин операцияйиъ игитвал улупну, хаин душмнихьан Ватан уьбхюри, 2022-пи йисан 1-пи мартдиъ гюллдиз мухур гьиву Байрам Ибрагьимпашаевдин дада Наргиз Ибрагьимпашаевайи гъидикIдар ву. Гафар накьвдихъ хъубснайи мармардашдин гъвандикра дидикIна.

Уьмриан гъягъбалан кьяляхъ, Кьягьялвалин ордендиинди лишанлу дапIнайи ихь игит бай Байрамдикан 23-пи сентябриъ чапдиан удубчIвнайи «Табасарандин нурар» газатдик Э.Аьшурбеговайин макьалара тувна.

Гьаму йигъари Байрамдин багъри Хив райондин Асккан Яракк гъулан сяргьятариин дугън сурат кайи кьулин тахта дивнийи. Эскрин багъридарихьан вуйи му тахта дивбан асас метлеб – аргъаж шулайи наслариз думу аьсрариинди нумунади гъузувал ву. Мицдар игитар уьмриъ нумунади гъузбиин райондин мектебар, гъуларин советарин администрацйир, культурайин хулар ва бицIидарин багъар лихура. Гьамусяаьт «Игитарди бабкан шлуб дар, дурар уьмри арайиз хуру» кIуру ччвур тувнайи акцияйин гьякьнаан мялуматар Хив райондин вари пIипIариъ керхди, хъа табасаран игитар ихь уьмриъ аьсрариинди нумунади гъузрувалиин инанмиш вухьа.