2022-пи йисан мартдин вазли Дагъустандиъ республикайин Глава Сергей Меликовдин тешкиллувалиинди Урусатди Украинайиъ гъабхурайи хусуси метлеб айи дявдин операцияйиъ гъийиху эскрарин хизанариз кюмек тувбан «Вари сатIиди» фонд ачмиш гъапIнийи. Думу фондну ляхин апIуз хъюгъхъанмина Дагъустан Республикайиан вуйи гъийиху эскрарин хизанариз 318 миллион манатдин кюмек тувна.
«Вари сатIиди» фонд региондин бюджетдин дакьатари, региондин жюрбежюр идарйирин, тешкилатарин, карханйирин гъуллугъчйирин хушниинди туву, бизнесменари жара гъапIу пулин дакьатарикан арайиз дуфна.
КIваина хурача, кюмек ккун апIури аьрза хьади илтIикIу касарин документар уч ва гьязур апIбан ляхнар РД-йин зегьметнан ва яшайишдин артмиш’валин министерствойи гъахура.
Министерствойи дявдин гъуллугънаъ айи кас гъакIи гьарсаб хизандихъ «хизандин кюмекчи» –социальный гъуллугъчи хъитIна.
