«Ватан саб ву. Диди ухьуз дих апIура»
Украинайиъ гъябгъюрайи дявдин операцияйиъ жвуван хушниинди иштирак хьуз гьязур вуйиваликан РД-йин Халкьдин Собраниейин образованиейин ва илимдин комитетдин вакил Расим Гьяжиагъаевди мялум гъапIну.
«Узу улихьнаси, рягьимлувалин кюмек хьади, думу аьтрафариъ гъахьунза. Украинайиъ нацистари зулум апIурайи халкьар ихь кюмекназ гизаф ккилигурайи. Узуз уьлкейин ихтиярар уьрхюрайи ихь эскрарин кIван рюгьнан мюгькамвал гъябкъюнзуз. Узуз гъябкъюбдин ва узу гьисс гъапIубдин кьяляхъ, дявдин операцияйиъ иштирак хьуз къарар кьабул гъапIунза.
Дагъустан чан игит баяриинди гьарган машгьур ву. Ухьуз варидариз хизанар ахьуз, гъавриъ аза, дадйириз чпин баяр дявдиз гьауз гизаф гъагъиди ву. Хъа гьамусяаьт жара чара адар. Ухьу душман терг дапIну ккунду, сатIиди думу ляхин апIидихьа», – гъапну Расим Гьяжиагъаевди.
