Хьур игитрин дада

 

Дербент райондин Сталин чюллер гъулаъ рягьимлу ва сабурлу юкIв айи аьдати табасаран дишагьли яшамиш шула. Думу Абачова Тамара Мягьямедовна ву. Дугъаз хьур бай а.

Дурар вари военный гъуллугънаъ айидар ва хьубридра Украинайиъ гъябгъюрайи хусуси метлеб айи дявдин операцияйин иштиракчйир ву.

Альвин Запорожский областдин Энергодар шагьур уьбхюри, женгариъ гъахьну.

Рустамди, дявдин пияда кьушмариъ разведка гъабхру ва улихьди гъябгъру БМП-йин командир вуди, Мелитополь азад апIбак лайикьлу пай кивну.

Фельдшер Шамил ва ракетйир деетру гъурурулушдин оператор Гусейхан Херсондиъ дявдин женгариъ, хъа отделениейин командир, гвардияйин сержант Руслан Крым, Мариуполь ва Угледар шагьрар нацистарихьан марцц апIбан женгариъ гъахьну.