Июлин 1-2-пи йигъари Дагъустандиъ, Каспийск шагьрин Аьли Аьлиевдин ччвурнахъ хъайи спортдин дараматдиъ, каратейиан «Каспийин кубок» бадали вуйи вари Урусатдин талитар кIули гъушнийи.
РД-йин физкультурайин ва спортдин министерствойин пресс-гъуллугънаан мялум гъапIганси, думу турнириъ дагъустандин каратейин устадари 27 медаль гъазанмиш гъапIну.
Талитариъ Урусатдин 25 региандиан 800-дихьна спортсменар иштирак гъахьнийи. Дагъустандин спортсменарин сборный командайи 9 гъизилин, 6 арсран ва 12 кемшрин медалар гъадагъну. Командайи гъадагъу медаларин уьмуми кьадарназ лигну, думу сабпи йишв’ина удубчIвну.
