Гъябгъюрайи йисан 10-пи июндиан 20-пи июндиз РД-йиъ инсандин ихтиярар уьрхбаан вари ихтиярар айи вакилин аппаратдин гъуллугъчйири республикайиъ медицинайин кюмек тувбан гьякьнаан вуйи месэлйириан агьалйирихъди телефондин убццру линияйиан сюгьбатар гъахиди.

Дагъустан Республикайиъ айи агьалйирин ихтиярар уьрхбаан вари ихтиярар айи вакилин аппаратдин гъуллугъчйири республикайин сагъламвал уьбхбан идарйириъ ккаувалихъди, больницйир дармнарихъди тямин апIувалихъди, духтрари кьабул апIбан электрондин нубатарихъди аьлакьалу ва гьацира жара суалариз жавабар ва консультацйир, теклифар тувди.

Эгер медицинайин кюмек тувбаан, сагъ’вал уьбхбаан агьалйирин ихтиярар чIур апIбан дюшюшар гъахьнуш, РД-йин инсандин ихтиярар уьрхбаан вари ихтиярар айи вакилихьна илтIикIуз шулу. Зиихъ гъапи месэлйирин гьякьнаан, (8722) 67-31-38, 67-31-52 телефондин номерариз зенг дапIну, сяаьт 10-диан 13-диз ва 14-диан 17-диз илтIикIуз шулу.