Гъубшу гьяфтайиъ Дагъустандиъ налог тувбан Саб вуйи йигъар кIули гъушну. 

 

Му серенжем кIули гъабхбан натижайиъ республикайин муниципалин образованйирин ерли бюджетариз уьмуми кьадар 3,6 миллион манат пул гъафну кIури, «Табасарандин нурар» газатдин редакцияйиз РД-йиъ айи УФНС-дин пресс-гъуллугънан пишекар ва налог туврайидарихъди ляхин гъабхурайи отделин начальникдин заместитель Багьаудин Аьлиевди хабар тувну.

РД-йин УФНС-ди тешкил гъапIу му акцияйиъ налогарин гъуллугънан инспекторарихъди гьарсаб муниципалитетдин гъуллугъчйирра иштирак духьну, буржар кайи касарин хулариз ва дурари ляхин апIурайи идарйириз гъягъюри, МФЦ-йин офисариъ дицдар касарихъди гюрюшмиш шули, дурар налог тувну ккунивалин гъавриъ тIаъри гъахьну. Республикайиъ му жюрейин серенжемар гьар вазлиъ кIули гъягъиди.