Гъябгъюрайи йисан аьхириз Дагъустандиъ абйир-бабарин гъайгъушнакк ккамдру ва йитим гъахьи 315 бицIир хуларихъди тямин апIиди. Му метлебариз федералин ва рес-публикайин бюджетариан 259 миллион манат жара дапIна.
Масу гъадагъурайи хуларин ери ахтармиш апIувал метлеб вуди, РД-йин Правительствойин Председателин заместитель – РД-йин образованиейинна илимдин министр Уммупазиль Уьмаровайин табшуругъниинди республикайин муниципалитетариъ йитимариз тувру хуларин санитарияйинна техника жигьатнаан вуйи тIалабар къайдайиъ аш, ахтармишар гъахру комиссйир тешкил дапIна.
Гъийин йигъаз Дагъустан-диъ абйир-бабарин гъайгъушнакк ккамдру ва йитим духьнайи 4740 кас а. 2019-пи йисан гьисабнаъ айи йитимарин кьадар 220 касдиинди кам апIуз мумкинвал гъабхьну (2018-пи йисан дицдар 4960 кас гьисабназ гъадагънайи).
РД-йин образованиейинна илимдин Министерствойи гьацира абйир-бабар хъамдру йитим бицIидар чпихьна уьрхюз гъадагънайи хизанариз социалин цирклиан кюмек тувбан рякъярра агура. Гъябгъюрайи йисан республикайин йитимхан-йириъ тербияламиш апIурайи би-цIидарин кьадар 77 кас ву (2018-пи йисан – 90 бицIир айи). Гьаму йисан 13 бицIир хусуси хизанари чпихьна уьрхюз гъадагъну. Аьхиримжи кьюд йисан республикайиъ абйир-бабарин гъайгъушнакк ккамдру ва йитим гъахьи 635 бицIир деъру хуларихъди тямин дапIна.
