«Табасаран район» муниципалин райондин администрацияйи Дагъустан Республикайин Главайин ва Правительствойин администрацияйихъди сатIиди «Йиз Дагъустан – Йиз Табасаран» муниципалин кадрйирин проект кьувватнаъ ипна.

Кадрйирин резервдиз кандидатар гъядягъбан проектдиъ муниципалин ерли управлениейин органариъ заан, аьхюну ва кьялан идара апIбан гъуллугъариз аьрзйир тувувал гьаму йисан 15-пи ноябриз давам апIуз къарар адабгъну.

Проектдиъ иштирак хьпан шартIарихъди Табасаран райондин асас сайтдин https://mr-tabasaran.ru «Йиз Дагъустан – Йиз Табасаран» пайнаъ таниш хьуз шулу.

Аьрзйир, шембе ва элгьет йигъари ктарди, гьар йигъан гвачIнинган сяаьт 10-диан хябяхъдин сяаьт 4-дизкьан кьабул апIуру. Адрес: Табасаран район, Хючна гъул, Уьсмановдин ччвурнахъ хъайи кючейин 32-пи хулар, 2-пи мертеба, администрацияйин кадрйирин отдел, телефон: 8(72249)24-1-62.
Конкурс гъябгъру йигъкан ва гъабхру йишвкан вахт ккимиди мялум апIидича.

Гьюрматлу ватанагьлийир! Багъри райондин жюрбежюр цирклариъ аьгьвалат ужу апIбан, бицIи ватандин, жвуван гъулан, хизандин артмиш’валик ичв лайикьлу пай кивбан бадали конкурсдиъ иштирак йихьай.