Ноябрин 30-пи йигъан Мягьячгъалайиъ ерлешмиш дубхьнайи ДГУ-йин филологияйин факультетдин актовый залиъ Табасаран, Хив районарин ва Дагъустандин Огни шагьрин администрацйирин кюмекниинди, «Шерик «Табасаран» проект уьмриз кечирмиш апIури, улупнайи муниципалитетарин ужуди урхурайи студентарин форум хьибди. Серенжем йигъандин сяаьт шубубдиъ ккебгъди.

 

Къайд дапIну ккундуки, форумдин дахилнаъди студентар РД-йин Правительствойин гъуллугъчйирихъди, Халкьдин Собраниейин депутатарихъди, вузарин ректорарихъди ва муниципалитетарин главйирихъди гюрюшмиш хьиди.

 

Форумдиъ жямяаьтлугъ ляхнариъ, спортдиъ, илимдиъ, урхбаъ ужудар натижйир улупурайи студентариз пешкешар тувди.

 

Эгер му серенжемдиъ иштирак хьуз ккунир аш, гъачай, иштирак йихьай.