Живан вахтна гъафир вуйза ГъуштIилна,
Швушв кадагъуз шубарикан гъуштIларин.
Гъира магьа хъана мина дуфназа,
Чухсагъул пуз гъавумариз язнайин.

 

***
Хилиъ бисуз цIийи китаб шаирин,
Гьам узуси мина дуфна агьалйир.
Шаирра ву Шихмягьямад гъуштIларин,
Узуз гьарган ачухъ апIрур чан кIван сир.

***
Гъилихунва ади намусна гъир’ят,
Яркьу дапIну уву хъюгъю далилар.
Жараризра туври гьарган насигьят,
Адагъунва дерин фикрин китабар.

***
Шихмягьямад, гъулаз вува гьарган хьад,
Гьам увусдар ишри ухьуз хъанара.
Яв гъуштIларин апIурава аьхю ад,
Нурлу ибшри увуз ккуни Рапакра.

***
Гъушну вушра бахтлу уьмрин шад йигъар,
АпIурава халкьар увукан лап рази.
Гьархрадарвуз багъри гъулан гъирагъар,
Фикрари кIул дапIну ашра лап лизи.

***
Ихь Худайи туври увуз сагъ’валар,
Гъузриву, дуст, учуз гьарган рякъюри.
Дюзмиш апIин хъана дикъат китабар,
Хъа учура гъидича вухьна аьлхъюри.

 

Шихмягьямад Гьямидовдин «ГъуштIил ва гъуштIлар» кIуру китабдин презентация айиган, дугъан дуст ва гъуштIларин язна Агъариза Гьяжимирзаевди гъурху шиир.

 

Хъана урхай:

 

ГъуштIилна гъач дустарихьна

Шихмягьямад Гьямидов.  Кьюбпи бахт.