Наргиз Гюлечова
Дагъустан Республикайиъ ригъдин аквнахъди вуйи сабсана аьхю электростанция 2025-пи йисан ачмиш апIуз планламиш дапIна кIури, республикайин энергетикайинна тарифарин министерствойиан хабар тувна.

Узуз айи мялуматариинди, думу проект Дагъустандин Правительствойина «Солар Системс» кIуру компайияйи йикьрар йитIбиинди юрутмиш апIурайиб ву.
ЙитIнайи йикьрариз асас, Дербентдиъ 100 МВт кьувват айи ригъдин аквнахъди вуйи электростанция тикмиш апIиди. Электростанцияйин тикилишчивалин ляхнар цци ккергъуз планламиш дапIна. Му ляхин кIулиз адабгъбиинди республикайин энергетикайин къурулушдиз йисандин арайиъ 140 млн кВт’ч ригъдин энергия уч хьибди.

Мидланра гъайри, цIийи электростанция тикмиш апIбахъди сабси, агьалйириз 25 гьаргандиз вуйи ва 200 вахтназди вуди, янаки тикилишчивалин ляхнар гъягъюри имиди лихру йишварра ачмиш апIиди. Гьацира йисандин арайиъ 60 миллион манат республикайин бюджетдиз налогарра тувди.
Къайд апIуб лазим вуки, энергетикайин инфраструктура артмиш апIувал «2030-пи йисазкьан вуйи СКФО-йин яшайишдинна экономикайин артмиш’валин стратегияйиъ» улупнайи ляхнарикан саб ву. Му циркил артмиш апIбан бадали, гъи Дагъустан Республикайиз ригъра, микIра лазим вуйи кьадарнаъди а. Гьаддиз инвесторарра жалб апIуз мумкивалар ахьуз.