Зубайдат Шябанова

 

Роспотребнадзорин РД-йиъ айи Управ-лениейин улупбариинди, Дагъустандиъ айи бицIидари рягьятвал гъадабгъру хьадан 240 лагерикан 227 лагерь бицIидар кьабул апIуз гьязурди а. Имбу 13 хьадан лагерь санитарияйинна эпидемияйин тIалабариз жаваб туврайивал тасдикь апIру кагъзариз ккилигура.

 

Гьамусяаьт Роспотребнадзори сагъламвал мюгькам апIру ва рягьятвал гъадабгъру хьадан лагерарин санитарияйин аьгьвалат ахтармиш апIру экспертиза гъабхура.
Мидланра гъайри, санитарияйин идарайин вакилари лагерар ипIру сурсатарихъди тямин апIру тешкилатарра ахтармиш гъапIну.
БицIидари рягьятвал гъадабгъру вахтна хатIасузвал тямин апIбаан, бицIидарин сурсатарин ва ипIру хурагарин ерийин гьякьнаан ва гьацира лагерарихъди аьлакьалу жара суалар айи абйир-бабариз Роспотребнадзорин управлениейи вари Урусатдин «убцру линия» абццра. Майдин 1-диан 24-диз 8(8722) 69-03-95 телефондиан консультация гъадабгъуз шулу.